ပုသိမ်မြို့မှာ လူငယ်များ မြို့အတွင်း ဆိုင်ကယ်တွေနဲ့လှည့်လည်ပြီး စစ်အာဏာရှင်ဆန့်ကျင် ဆန္ဒပြ
DVB
ဧရာဝတီတိုင်း၊ ပုသိမ်မြို့မှာ မတ်လ ၂၁ ရက်နေ့က မြို့ခံလူငယ်တွေက ဆိုင်ကယ်တွေနဲ့လှည့်လည်ပြီး မြို့အတွင်း စစ်အာဏာရှင်ဆန့်ကျင် ရေး ဆန္ဒပြခဲ့ကြပါတယ်။
ရဲနဲ့စစ်တပ် လိုက်လံပိတ်ဆို့တာတွေကို ရှောင်ပြီး မြို့ပေါ် လူစည်ကားတဲ့လမ်းတွေပေါ်မှာ ဆိုင်ကယ်တွေနဲ့လှည့်လည်ကာ အာဏာရှင်စနစ်ဖျက်သိမ်းရေး၊၂၀၀၈ ဖွဲ့စည်းပုံအခြေခံဥပဒေ ဖျက်သိမ်းရေး၊ ဖက်ဒရယ်ဒီမိုကရေစီပြည်ထောင်စုပေါ်ပေါက်ရေး၊မတရားဖမ်းဆီးခံရသူများလွတ်မြောက်ရေးစတဲ့ ကြွေးကြော်သံတွေ ကြွေးကြော်ခဲ့ကြတယ်လို့ ပါဝင်သူ ၁ ဦးက DVB ကိုပြောပါတယ်။
မတ်လ ၁၄ ရက်နေ့ ညပိုင်းက ရဲနဲ့စစ်တပ်ရဲ့ ကျည်အစစ်နဲ့ ပစ်ခတ် ဖြိုခွင်းမှုကြောင့် လူသေဆုံးတာတွေရှိခဲ့ပြီးနောက်ပိုင်း မြို့ခံပြည်သူတွေက ရတဲ့နည်းလမ်းနဲ့ စစ်အာဏာရှင်ဆန့်ကျင်ရေး ဆန္ဒပြနေကြတာ ဖြစ်တယ်လို့ သိရပါတယ်။
ပုသိမ်မြို့မှာ စစ်တပ်အာဏာသိမ်းပြီးနောက်ပိုင်း ဖေဖော်ဝါရီလ ၇ ရက်နေ့က စတင်ကာ စစ်အာဏာရှင်ဆန့်ကျင်ရေး ဆန္ဒပြတာတွေ ပြုလုပ်လာခဲ့တာ ၄၃ ရက်မြောက်နေ့ရှိပြီလည်းဖြစ်ပါတယ်။
စစ်အာဏာရှင်ဆန့်ကျင်ရေးဆန္ဒပြတဲ့ ရက်ပေါင်း ၄၃ ရက်မှာ ရဲတပ်ဖွဲ့ရဲ့ သေနတ်ပစ်လူစုခွဲတာကို ခံရတာ ၆ ကြိမ်ရှိပြီး သေဆုံးသူ ၂ ဦးရှိတယ်လို့ ဒေသခံတွေက ပြောပါတယ်။
No comments:
Post a Comment